__

__

廈門金旅小巴更能證明豐田霸權係事實



「匪區出品,必屬劣品」呢八個字,係小弟發明出嚟。而事實上,支那匪區不論乜嘢出品,由食得落肚到响馬路碌嘅,都唔會係好嘢。而針對小弟對咗接近20年嘅支那汽車工業,相信全香港唔會有人比我更清楚乜頭乜路,甚至更直接講到底有幾垃圾。

只是架廈門金旅XML6701「專線小巴」到咗香港,小弟就好似一反往常反共、鬧爆「國貨」嘅常態,經常講甚至有少少讚許吹捧。好多人以為我「唔知痴咗邊條根」,更有不少唔用腦嘅友仔就以為小弟再度「投共」。但正如我成日話「政治嘅嘢不能睇表面」,呢架匪區出品點會咁簡單吖......

小弟針對豐田霸權寫過好多篇文爆料或拆局 (詳見延伸閱讀清單),而呢架「愛祖國用國貨,爆炸都要用」嘅車,正正有齊豐田 Coaster 無嘅條件,包括:
豐田Coaster 唔會有 Euro 6 (或最起碼可見將來唔會有),金旅就會是香港第一款 Euro 6 小巴;
皇冠車行、運輸署聲稱豐田 Coaster 裝唔到第20個座位,金旅就1,000,000% 肯定可以裝到20個座位。
亦就是因為「國產車」呢個無可避免存在嘅政治因素,要是港共傀儡政權 689 堅持19座位,就可以更加肯定19呢個數字就係「勾結皇冠車行輸送利益」係事實。呢招叫做「打著紅旗反紅旗」,毛澤東名句之一是也。

唔明?港共傀儡政權成日話要「心懷祖國」,依家就話俾EPD莫偉全,TD 楊何蓓茵、李艷芳、李萃珍、李偉文,以至 689 知,有架「可以俾小巴業界表達『愛國情操』」嘅車响度。而呢架車就是可以20座位,同埋係 Euro 6。如果堅持19,即係連國貨都要拆櫈;堅持「主要車輛供應商未有 Euro 6,所以小巴維持 Euro 5」,即係連「國貨」都唔俾面。咁仲唔係為咗豐田霸權?!

提升層面到「政治化」去睇呢款小巴。就是小弟對咗匪區汽車工業接近20年,邊啲得邊啲唔得,唔得嘅爭啲乜,完全心中有數。呢架車到咗香港五個月,睇過車身/車廂、捐過車底,

(斷估除咗 Allison 波箱,無人識睇車底啲嘢何謂「企理」)

試揸過兩次,邊忽掂邊忽唔掂,肯定全香港除咗代理商之外無人比我更清楚。唔掂嘅地方,唔需要多講;掂嘅地方,就是要嚟加強針對豐田霸權嘅說服力,進一步證明TD / EPD 同皇冠車行嘅 (疑似) 貪污勾當嘅成立,或至少加強可信性。而同時地示範何謂「是其是、非其非」,以道理立論去反共,而唔係一見支那共匪就反嘅盲目表現。

至於呢架金旅小巴嘅可靠性、耐用程度得唔得,坦白講唔係小弟嘅考慮因素。要攞60萬買架「垃圾」嘅唔係我,而係啲小巴佬 ── 襟用唔關我事,成日返廠維修「跌錢」又唔係我荷包。

但就是好多人仍然周旋於呢架國貨嘅可靠問題,根本就唔對題,甚至可以話完全係一種反共得嚟係盲目嘅表現。

經過兩年小弟以至其他評論人嘅努力,豐田霸權對香港運輸政策以至 (可能) 涉及貪污因素有幾大禍害已經好清楚。而對付共匪最有效嘅方法就是用返共匪自家論述,小弟 (好似)「吹捧」金旅小巴就是「聯合次要敵人,打擊主要敵人」。而事實上小弟的確搵到呢架「垃圾」有可取之處,何不就好好利用,將之成為炸散豐田霸權嘅鈾元素同鈈元素呢!

順帶一提,運房局/運輸署成日話唔關皇冠車行事,19座位只係平衡運輸業生態,平衡巴士、的士同小巴業界嘅利益。但正如劉國勳响2017年5月19日立法會所質問「12.8米巴士本身唔合法,署長响簽出豁免之前有無問過的士小巴業界」,奉勸張炳良、邱誠武、楊何蓓茵唔好再死雞撐飯蓋,精精地主動提修訂19改為20,否則我仲會爆乜黑幕出嚟而有乜後果,你哋自己諗過。


延伸閱讀
皇冠車行懷疑就Coaster 小巴第20個位向政府提供虛假資料
運輸署唔係明益豐田就係明跣三菱
封殺柴油私家車為益油公司,亦係為皇冠車行
港共為保住皇冠車行乜都夠膽死
豐田驗車唔係盡享特權真係搵鬼信
驗車從來都係官威與牙力嘅較量
19座位為平衡其他運輸業利益只係藉口
只差一個位要大動干戈 (2016-7-7 明報)
回應明報、蘋果日報報導運房局否認失實
皇冠車行食得禾米多
石油氣的士 壟斷謎團 (2013-5-16 蘋果日報)

返回主頁

沒有留言: